Этил спирті мен алкоголь өнімін өндіру саласындағы бақылау есепке алу құралдарының деректер операторы болып айқындалған «Ақпараттық-есеп орталығы» акционерлік қоғамы (бұдан әрі – Оператор) Қазақстан Республикасы Қаржы министрінің 2024 жылғы 20 ақпандағы № 92 бұйрығына сәйкес үш санаттағы пайдаланушыларға ұсынады:

• Жеке тұлғаларға – тегін негізде. Сервиске авторизация қажет емес және олар этил спирті мен алкоголь өнімін өндіру саласындағы анықтамалық және статистикалық ақпаратты қарай алады;

• Уәкілетті мемлекеттік органдардың қызметкерлеріне – жазбаша өтінім негізінде, Оператор мен уәкілетті орган арасында жыл сайын жасалатын мемлекеттік қызметтерді сатып алу шарттарының аясында;

• Этил спирті мен алкоголь өнімін өндіру және айналымы нарығы субъектілеріне (барлық заңды тұлғалар мен жеке кәсіпкерлерге):

• өндіріс көлемінің есебін есепке алудың бақылау аспаптары (ЕАБА) арқылы жүзеге асыратын алкоголь өнімін өндірушілерге - ақылы негізде, Сервис деректеріне үздіксіз қолжетімділікті қамтамасыз еткені үшін. Сервиске қол жеткізу үшін Оператордың қызмет құнын Баға прейскурантына сәйкес төлеу және ЭЦҚ* арқылы қосылу өтініміне, сондай-ақ Пайдаланушы келісіміне қол қою қажет;
• есепке алу-бақылау маркаларын (ЕБМ) беру жөніндегі мемлекеттік қызметті көрсету шеңберіндегі көрсетілетін қызметті алушыларға - тегін негізде.